Melliker-Lied 

Du chunnsch ned a, gäge Basel und Schaffhuse,
erscht rächt ned gäge Köln, gäge  Rotterdam oder Mainz.
Du bisch es Käffli, für vili grad no rächt zum pfuuse,
und es schöns Lied für dich gits bis hüt no keins.

Refrain:

Mellike, du chliises Dorf am Rhii.
(K)ei Beiz kei Poscht, und d Schuel isch au verbii.
Ned emol meh en ganz en chliine Lade,
doch chömmer jede Summer gratis Bade.
Mellike mis Herz schlod fescht für dich!

Laufsch am Rhii entlang oder gosch dur eusi Wälder,
fühlsch di guet und s isch dir scho lang klar:
Mir händ zwar (k)ei Beiz, kei Poscht und vo niene grossi Gälder,
aber eusi Natur isch eifach wunderbar.

Refrain

Drum gämmer Sorg zum Dorf und zum schpezielle Völkli,
hälfed alli mit, dass mers no lang chönnd ha!
Und häds am Himmel halt emol es paar Wölkli,
dänn schtönd mir zäme und lueged das Problem a.

Refrain


Melodie und Text: Stefan Kolb